المليشيا الحكومية تقتحم مدينة طويلة ومعسكر رواندا وتنهب السوق والجيش يتفرج

إقتحت المليشيات الحكومية على ظهر (21) عربة لاندكروز مسلحة بقيادة بدر عبدالرحمن ابوكنيش مدينة طويلة في الثالثة من بعد ظهر امس الاربعاء ، واقتحمت ايضا معسكر روندا للنازحين ، وسوق المدينة والمعسكر

إقتحت المليشيات الحكومية على ظهر (21) عربة لاندكروز مسلحة بقيادة بدر عبدالرحمن ابوكنيش مدينة طويلة في الثالثة من بعد ظهر امس الاربعاء ، واقتحمت ايضا معسكر روندا للنازحين ، وسوق المدينة والمعسكر . وادى الاقتحام المليشيات لفرار المواطنيين من الاسواق وتركها مفتوحة ، بينما لزم المواطنون منازلهم داخل المدينة المستباحة من قبل المليشيات وسط تفرج من قيادة الجيش على مايحدث . وقال شهود انهم شاهدوا افراد المليشيات يحملون من المتاجر البضائع في العربات ونهب الموبايلات . وقال عمدة معسكر روندا للنازحين العمدة موسى الطاهر بوش لراديو دبنقا ان هذه المليشيات دخلت الى المعسكر بحوالي (21) عربة مماادى لهروب المواطنيين من السوق الذي ظل المليشيات مقيمة فيه حتى مساء امس . واوضح العمدة انهم ذهبوا للمليشيات وسألوهم عن اسباب قدومهم واقتحامهم للمدينة والمعسكر بهذه الطريقة . واوضح ان افراد المليشيات وجهوا لهم سؤالا اين (التورابورا)؟ ، واضاف انهم قالوا لهم لايوجد تورابورا هنا ولا نعرف مكانهم واذا اردتم التورابوا ( امشوا ليهم في الخلا) . وانتقد العمدة بوش الحكومة وقال انها تتفرج وتمارس التفرقة وتقف مع المجرم ولا تحمي احدا . واضاف موجها كلامه للمواطنيين والنازحين (انا اقول للمواطنيين اي زول عندو سكين ولاعندوا حربه يطلعوا ، انحن بعد دا ما حنجري اصلا وكل زول يدافع عن نفسوا ).

وفي ذات الموضوع وجه العمدة بوش رسالة شديدة اللهجة للحركات ، قال فيها (انتو لو دايرين تشاكلوا شاكلوا ولو مادايرين تشاكلوا ما تسوى لينا مشاكل ، كل مرة يجوا ديل ويقول لينا تورابوا وين تورابوا وين ؟ ) . وتابع العمدة وهويقول ( مرة تانية نقول ليكم ياتورابورا لو دايرين تداوسوا داوسوا ولو مادايرين تداوسوا عليكم الله ما تعملوا لينا فضائح ) . ووجهه العمدة كذلك رسالة لوالي شمال دارفور قال فيها (من اليوم ولقدام نقول ليك يا السيد الوالي شكاوينا انتهت ولو داوسنا ما تولومينا والخوف تاني مافي ).