دبنقا ترند 22-12-2023

أنقذوا السودان

بدأ عدد من نجوم ومشاهير وسائل التواصل الاجتماعي السودانيين حملة جديدة للفت الأنظار لما يحدث في السودان. الحملة بعنوان “ماذا يحدث في السودان” مع تفعيل الهاشتاق #انقذوا_السودان باللغة العربية و #KeepEyesOnSudan باللغة الإنجليزية

ويشارك في الحملة مؤثرين سودانيين وغير سودانيين دعما للسلام في السودان. وفي ساعات قليلة وصل عدد المنشورات على الهاشتاقين إلى حوالي 75 ألف منشور على منصة إكس (تويتر سابقا)

لا خيار غير التفاوض | الهاشتاق #تفاوض_بس

تصدر مواقع التواصل الاجتماعي خلال ال 24 ساعة الماضية وبعد مرور 250 يوما على اندلاع الحرب في السودان. ومن الواضح أن تزايد تداول الهاشتاق جاء بعد سقوط مدينة ود مدني واضطرار مئات الألاف من سكانها والنازحين إليها لمغادرة المدينة من جديد. وتبع ذلك تزايد المنشورات التي تطلب المساعدة سواء أن كانت للأغذية أو الأدوية أو العربات للتنقل من مكان إلى آخر.

ونطرح عليكم هنا نموذج من المنشورات المرتبطة بهذا الهاشتاق:

• كلنا بنحب جيشنا! بس لما يكون الجندي فيه لابس هندام يليق مش حفيان وشايل كلاش! وضباط في القيادة كروش وقروش! وخارج المعارك!. رجعوا لينا جيشنا السرقتوا
• اختي واخوي الصغار طلعوا من مدني قبل تلاته ايام بي شارع سنار، اختفوا ومافي كان طريقه نصل ليهم، لأنو الشبكة واقعه جنوب مدني، سنار، سنجه والدمازين. عشنا قلق الأيام الفاتت واتخيلنا كل السيناريوات الما كويسه.
  اليوم اتصلوا علي من القضارف مغبّرين، بضحكوا وبهزروا وبقولوا لي محل ما نمشي الناس بتقابلنا بابتسامه وبتحلف علين نقعد، ناكل ونبيت.
• ليه ما بتحكمنا الناس السّمحه البتحب الخير للناس دي؟ ليه احنا حايمين من حثاله إلى آخر؟
• لازم تقيف.. لازم تقيف ..لازم تقيف.. الشعب السوداني هو اللي دفع التمن لاغيره. عشان تحمي نفسك واهلك ومنطقتك قول لا للحرب
• اهم ما في خطاب البرهان .. انه ذاهب للتفاوض خلال ايام .. ندعم هذا الخيار ونشيد به .. ونقف خلف القوات المسلحة العاقلة المسؤولة التي تحمي شعبها بإيقاف الحرب واحلال السلام ..#تفاوض_بس
• تفاوض بس #لازم تقيف #لن نشجع الحرب والعنف والانقلابات #نحن دعاة قيم ومبادئ لن ننحاز لصراع (الغاب ) بكل اسف الأمور أكثر تعقيد ولا يصح الا الصحيح وبس .