دبنقا ترند 10-1-2024

أزمة مياه في امدرمان

امدرمان_عطشت #حوجة_امدرمان#

تداول عدد كبير من رواد مواقع التواصل الاجتماع صورا لمواطنين في مدينة امدرمان وهم ينتظرون في صفوف طويلة للحصول على المياه بسبب قطوعات المياه لفترات طويلة في الأيام الماضية. السبب في انقطاع المياه توقف محطة المنارة عن العمل لأكثر من 10 أيام وكذلك توقف محطة القماير. ولجأ المواطنون إلى المنازل والأحياء التي تستخدم الأبار الجوفية للحصول على المياه، كما أصبحت التناكر أحد المصادر التي يعتمد عليها في الحصول على المياه ولكن بتكلفة باهظة.

تنسيقية لجان مقاومة كرري اعتبرت أزمة المياه تستفحل وتصل مرحلة الانقطاع التام بسبب توقف محطة المنارة لأكثر من عشرة أيام وتجبر المواطنين على الاستعانة بمياه التناكر. وطالبت تنسيقية لجان مقاومة كرري السلطات بمحلية كرري وغرف الطواريء بتدارك الأزمة والعمل على معالجتها بأسرع ما يمكن
العديد من سكان امدرمان تفاعلوا مع هذه الهاشتاقات

• ‏ يخوانا امدرمان عطشانه .. الناس بتعافر عشان بس تلقى مويه تبل بيها ريقها..والله حاجة محزنه جدا ده ابتلاء عظيم وكرب شديد على اهلنا في كل بقاع السودان وامدرمان ربنا يهون عليهم ويصلح الحال
• اهلنا في أمدرمان بعانوا من انعدام الموية لاكثر من ١٠ أيام، الأوضاع سيئة جداً جداً مافي اي جهة رسمية شغالة بيهم
• موية الآبار القديمة اشتغلت بس للأسف عاوزة حفر وتوصيل وموتور كبير عشان تجر ليك والموضوع مكلف وما كل الأسر ح تقدر توصلها