دبنقا تتحقّق 17-1-2024

انتشر على مواقع التواصل الاجتماعي نص مكتوب ومنسوب إلى عبد الوهاب وردي، نجل المرحوم الأستاذ الفنان محمد وردي، يتحدث فيه عن قيام عناصر من الدعم السريع بسرقة آلة العود الخاصة بوالده من منزلهم في المعمورة. نص الرسالة:

كتب: عبد الوهاب وردي
العود دة شفشفوهوا الجنجا من بيت الوالد (الف رحمة ونور) في المعمورة ، صديق عزيز شاف دعامي جاريهو بالواطة قال ليهو تبيع..؟ طوالي طبعا قال ايوة اشتراهو ورسل لي الصورة العلى الشمال دي رسلتها ومعاها صور تانية لى اخوي منتصر وردي واتاكدنا تماما انو دة عود الاستاذ، منتصر عندو الصورة العلى اليمين دي كدة بالثابتة يا جنجا..، لاحظوا العود دة كان في المخزن، ما دام وصلوا المخزن معناها باقي البيت كلو في خبر كان، يا جنجا البيت كلوا صور الأستاذ يا كافي البلا وردي دة لا اسمو طقش اضانكم قبل كدة لا صورتو لا غناهو؟؟!!! ياخي شيلوا العفش والمكيفات والمراوح لكن حاجات الاستاذ الفنية دي تراث وإرث قومي بل وعالمي أيضا لكن عادي طبعا لانو ثقافتكم حدها(عشان ام قرون بركب الحديد بوكسي ) حسبنا الله ونعم الوكيل لكن اكيد دمنا ما بروح موية ولا تاريخنا ولا ثقافتنا. وبكرة حتدفعوا التمن غالي يا جنجويد غالي شديد و..بس خلاس