ترند.. “سكان” مستشفى النو من الملائكة
![](https://www.dabangasudan.org/wp-content/uploads/2024/06/0838e7aa-ea7a-48f6-81cc-c0d1b23ded8f-1024x411.jpeg)
شنو ممكن نعمله عشان نشكر المتطوعين البيعالجوا الناس بمستشفى النو وطبعا بالمجان؟
-رأيكم شنو في فيديو طوله عشرة دقايق اي زول بس يوجه كلمة للشباب ديل البجازفوا بارواحهم عشان يساعدوا الناس؟
- ظابط
- يللا نبدأ:
-غنية ايديننا للبلد
-ربنا يخدر ضراعكم
-كل ما تسود علي الدنيا أتذكركم اشعر بالفخر
-اي حاجة اعملها اشعر بأنها تافهة مقارنة بالبتعملوه
-انتو سكان النو انتو ما متطوعين
-انتو روح الثورة
-يا خونة يا عملا هههه في عملا بقعدوا في نص الحرب!
-أنا سعيد أني بعرفكم معرفة شخصية
-شكرا للشوارع اللمتني بيكم
شوف الفيديو من الرابط دا
دي جزء بس من كلمات الشباب الوجهوها لمتطوعين مستشفى النو البضحوا بحياتهم فعلا عشان يسعفوا الناس
شرف آخر واحد سقط شهيد منهم يا ها دي صورتو
![](https://www.dabangasudan.org/wp-content/uploads/2024/06/image-14-461x1024.png)
شرف مات بتدوينة على المستشفى
شرف اساساً من شباب الثورة اها لما قامت الحرب سافر للقاهرة
لكنه رجع مخصوص عشان يتطوع مع “سكان” مستشفى النو.
لكن الدانا ما أدتو طريقة يخدم اكتر
قضت على حياته
الله يرحمك ياخ
انت فعلا شرف لينا كلنا
بدل من عشرة دقايق الفيديو بقى طوله
اكتر من ساعة
لكن ما مشكلة
أنت داير تقول ليهم شنو؟