الترند اليوم: نفس الزول الكاتل ولدك

عاد رواد مواقع التواصل الاجتماعي لتداول مقطع فيديو مدته 2 دقيقة و 29 ثانية. المشهد يمثل مقطع من أحد برامج قناة “سودانية 24” وفيه يلقي الشاعر يوسف الدوش قصيدته الشهيرة التي تحمل عنوان “نفس الزول الكاتل ولدك”. ولعله ليس من قبيل المصادفة أن رواد مواقع التواصل الاجتماعي عادوا لتداول هذه القصيدة بالذات رغم أنها ليست بالجديدة في تزامن مع زيارة الفريق عبد الفتاح البرهان لأسرة الشهيد الملازم أول محمد صديق لأداء واجب العزاء… يقول يوسف الدوش:
نفس الزول الكاتل ولدك..
حاكم بلدك..
نفس الزول القاتل ولدك..
شال لي روحو الفاتحه وقلدك..
حاكم بلدك..
(رمز سيادة)
شال من ايد الكوز (السوط والسلطه)
وجلدك..
نفس الكوز في وجه جديد
نفس الكلب في الرقبة (قلادة)
نفس كتائب الظل والغل
نفس جهاز الامن والخوف
هم بي أمرك (فضو قيادة)
وقامت ثورة..
وحصدت لجنة…!
فاخر عيش الوزراء الجونا..
بس في الغالب كعبة العجنة..
جائز تحكم غصباً أمه
وتقلب كل ايامه ضلمه
ويبقى مصيرك سقطة و(سجنه)
وقامت ثورة..
حصدت من ارواح اولادنا الطاهرة..
لمن زاد الغل في نفوسهم
رسمو الخرطة هناك في القاهرة..
سمو شيهدنا الباسل (شاذ)
وسمو البت مطلوقه وقاهرة..
دسو العيش والخير والجاز..
ونامت عين الشرطة الساهرة..
وقامت ثورة..
لو سمينا القصة مجاز..
دخلت نملة ومرقت باخرة..
وقامت ثورة في شكل إعجاز..
وحصدت لجنة..
فاخر عيش الوزرا الجونا..
بس في الغالب دي الإنقاذ..