الترند اليوم: ثوري، ثوري… مهيرة السودان

في الذكرى الخامسة لانتصار ثورة ديسمبر 2018، يواصل السودانيون على مختلف منصات التواصل الاجتماعي تبادل مقاطع الفيديو والصور والمقاطع الصوتية التي تمجد هذه الذكرى وتمجد شهداء الثورة وتدعو كل السودانيين للتوحد مستلهمين ذكرى الثورة العظيمة من أجل مواجهة تحدي وقف الحرب وعودة ملايين السودانيين إلى بيوتهم ليعيدوا من جديد تحقيق أهداف الثورة… حرية سلام وعدالة، مدنية خيار الشعب.
مستويات مشاهدة عالية حققها مقطع فيديو مدته 3 دقائق و 12 ثانية تم تصويره في العام 2019 يحكي قصة الثورة من خلال صور ولوحات تمجد اللحظات العظيمة في أيام الثورة المجيدة وشهدائها الابرار وبخلفية موسيقية غنائية لنشيد ثوري، ثوري.. مهيرة السودان.
ثوري ثوري مهيرة السودان
سنين يا مهيرة مضت بينا
نعاني مرارة الحرمان
لهيب الثورة في عيونا
وجوه قلوبنا في غليان
وساد الظلم في بلادنا
وضاعت قيمة الانسان
ويوم يتفجر البركان
بنور العلم والايمان
يتجمع عقدنا المنثور
ويتبين حقنا المهدور
ويتوحد شعبنا المقهور
مارد يحطم الاغلال
عنيد وجسور
ثائر يدمر الطغيان
قلاع وحصون
ثوري، ثوري … مهيرة السودان
هتافك خليه، يعلي يزيد
زغردي زغردي
وزيدي الثورة ألف شهيد
واصلي الثورة يا مهيرة
قودي الثورة يا مهيرة
وعيك انتِ لينا سلاح
سيبي هوانا في شوقه
وضمدي لينا كل جراح
الحب الكبير لوطنا
ومعني الريدة يبقي كفاح
نشّيد عشنا ونرتاح
ترن زغرودة الافراح
بشارة فال فرايحيه
تبارك لينا حريه
تقول ان شاء الله ذريه
نسميهم اسامي نضال
تفجر ثورة قوميه
ولدنا الاول السودان
وبتنا وحده وطنيه