الترند:في الفؤاد ترعاه العناية

الحنين إلى السودان والأمل في العودة إلى الديار دفع الألاف من رواد مواقع التواصل الاجتماعي إلى تداول مقطع فيديو مدته 4 دقائق و 8 ثواني لأغنية في “الفؤاد ترعاه العناية” للشاعر الكبير يوسف مصطفى التني. ورغم قدم الأغنية التي تعتبر من درر الأغاني السودانية تغنى بها عدد من كبار المطربين السودانيين وفي مقدمتهم فنان الحقيبة، بدرالدين زنقار، ومن ثم بادي محمد الطيب وآخرين. في مقطع الفيديو المتداول، يشدو بالأغنية الثنائي عاصم البنا وإنصاف فتحي بتوزيع موسيقي جديد وأداء احتفى به رواد مواصل الاجتماعي. ورغم مرور سنوات طويلة على كتابة هذه القصيدة، إلا أنها ما زالت تثير الكثير من المشاعر وتوفر طاقة إيجابية للسودانيين في هذا الزمن الصعب… لا للحرب..

في الفؤاد ترعاه العناية 

بين ضلوعي الوطن العزيز 

لي عداه بسوي النكاية 

وان هزمت بلملم قواي 

غير سلامتك ما لي غاية 

إن شاء الله تسلم وطني العزيز 

●●●

ليه ما ارعي الوطن الرعاني 

والدهاه اشيله واعاني 

الشباب والشيب شجعاني 

قالوا نفدي الوطن العزيز 

●●●

بقاسمه حظه سواده وبياضه 

وايه مرادي انا غير مراده 

ارعي نيله اشجع بلاده 

يشيلوا حمل الوطن العزيز 

●●●

عندي وطني بقضيلي حاجة 

كيف اسيبه واروح لي خواجه 

يغني وطني ويحيجني حاجة 

لي عدوك ياوطني العزيز 

●●●

طبيعي اعشق صيده ورماله 

وما ببيعه واقول مالي ماله 

وما بكون آلة البي حباله 

داير يكتف وطني العزيز 

●●●

علمونا اهل الحضارة 

كيف اضوق شان وطني المرارة 

والمحن برضاي اصلي ناره 

خوفي تحرق وطني العزيز 

●●●

شفنا فيه جواب فيافي 

والبطير وبسابق السوافي 

ما مراده عفارم عوافي 

بس يعظم وطني العزيز 

●●●

نحن للقومية النبيلة 

ما بندور عصبية القبيلة 

تربي فينا ضغائن وبيلة 

تزيد مصايب الوطن العزيز